సమ్మె బాట పట్టిన బ్యాంకు ఉద్యోగులు

బ్యాంకింగ్ ఉద్యోగుల సమ్మెబాట పట్టారు.వేతన పెంపుపై నిర్ణయం తీసుకోకపోవడాన్ని నిరసిస్తూ ఈ నెల 30 నుంచి 31 వరకు రెండు రోజులపాటు సమ్మె చేయనున్నట్లు బ్యాంక్ ఉద్యోగుల సంఘ ఐక్యకార్యాచరణ కమిటీ ప్రకటించింది.దీంతో బ్యాంకింగ్ సేవలు పూర్తిగా నిలిచిపోనున్నాయి.ఈ నెల 5న యూనైటెడ్ ఫోరమ్ ఆఫ్ బ్యాంక్ యూనియన్(యూఎఫ్‌బీయూ)కు యాజమాన్య సంఘాల మధ్య జరిగిన చర్చలు విఫలంకావడంతో సమ్మె చేయాలని నిర్ణయించినట్లు ఉద్యోగ సంఘాల ప్రతినిధి ఒకరు తెలిపారు.వేతనాన్ని రెండు శాతం మాత్రమే పెంచాలని యూఎఫ్‌బీయూ ప్రతిపాదించింది.సమ్మె నోటీసును బ్యాంకు యాజమాన్యానికి సంబంధించిన అసోసియేష్‌కు చీఫ్ లేబర్ కమిషనర్లకు అందించినట్లు ఏఐబీఈఏ జనరల్ సెక్రటరీ సీహెచ్ వెంకటాచలం తెలిపారు.గతేడాది సిబ్బంది వేతనాలు 15 శాతం పెంచిన విషయం తెలిసిందే.యూఎఫ్‌బీయూ కింద తొమ్మిది బ్యాంకింగ్ రంగ ఉద్యోగ సంఘాలు ఉన్నాయి.వేతనాల పెంపుపై నిర్ణయం తీసుకోవాలని పలుమార్లు విజ్ఞప్తి చేసిన కేంద్ర ప్రభుత్వం స్పందించకపోవడంతో సమ్మె బాటపట్టినట్లు సంఘాల నేతలు వివరించారు.

Leave a Reply

Your email address will not be published. Required fields are marked *