కృష్ణా నదీ తీరంలో ‘మినీ ఇండియా’
నేటి నుంచి విజయవాడలో నేషనల్ సరస్ మేళా
ప్రారంభింనున్నరాష్ట్రపతి ద్రౌపదీ ముర్ము
ఢిల్లీ వెలుపల తొలిసారి మేళ
గ్రామీణ మహిళా పారిశ్రామికవేత్తలకు రెక్కలు
34 రాష్ట్రాల నుండి 1,000 మంది ‘లఖ్‌పతి దీదీల’ భారీ సమావేశం
రాష్ట్రపతి సమక్షంలో 650కి పైగా స్టాల్స్
అమరావతి, ఆంధ్రావని ప్రతినిధి : మహిళా సాధికారత, గ్రామీణ పారిశ్రామికతను ప్రోత్సహించేందుకు కేంద్ర గ్రామీణాభివృద్ధి శాఖ చేస్తున్న కృషిలో ఒక కొత్త అధ్యాయం ఆవిష్కృతం కానుంది.కేంద్ర వ్యవసాయ,రైతు సంక్షేమ మరియు గ్రామీణాభివృద్ధి శాఖ మంత్రి శివరాజ్ సింగ్ చౌహాన్ చొరవతో విజయవాడలో పున్నమి ఘాట్ వద్ద ‘నేషనల్ సరస్ ఆజీవిక మేళా 2026’ ఈనెల 15 గురువారం నుంచి ప్రారంభమవుతుంది. ఢిల్లీ-ఎన్‌సిఆర్ ప్రాంతం వెలుపల ఇలాంటి కార్యక్రమం జరగడం ఇదే మొదటిసారి. అక్టోబర్ 15న రాష్ట్రపతి ద్రౌపది ముర్ము ఈ చారిత్రాత్మక భారీ మేళాను ప్రారంభించనున్నారు. ఈ కార్యక్రమంలో కేంద్ర మంత్రి శివరాజ్ సింగ్ చౌహాన్, రాష్ట్ర ముఖ్యమంత్రి ఎన్.చంద్రబాబు నాయుడు, ఉప ముఖ్యమంత్రి పవన్ కళ్యాణ్,రాష్ట్ర గవర్నర్ జస్టిస్ అబ్దుల్ నజీర్ పాల్గొననున్నారు.
650 స్టాల్స్ ఏర్పాటు
దీన్‌దయాల్ అంత్యోదయ యోజన-జాతీయ గ్రామీణ జీవనోపాధి మిషన్ – ఆంధ్రప్రదేశ్ SERP సహకారంతో నిర్వహిస్తున్న ఈ మేళాలో దేశ వ్యాప్తంగా 34 రాష్ట్రాలు, కేంద్రపాలిత ప్రాంతాల నుండి సుమారు 1,000 మంది మహిళా పారిశ్రామికవేత్తలు, కళాకారులు పాల్గొంటున్నారు. సాంప్రదాయ చేనేత వస్త్రాలు, హస్తకళలు, సేంద్రియ ఉత్పత్తులు, గృహోపకరణాలకు సంబంధింది 650 స్టాల్స్ ను ఏర్పాటు చేస్తున్నారు.
ప్రత్యేక ఆకర్షణలు
ఇండియా ఫుడ్ కోర్ట్: 28 రాష్ట్రాలకు చెందిన 200 మందికి పైగా మహిళా చెఫ్‌లు, ప్రామాణికమైన దేశీయ మసాలాలను ఉపయోగించి, సాంప్రదాయ, రుచికరమైన ప్రాంతీయ వంటకాలను (లిట్టి చోఖా, హైదరాబాదీ దమ్ బిర్యానీ, మక్కే ది రోటీ-సర్సన్ కా సాగ్, వన్ సుందరి మొదలైనవి) ప్రత్యక్షంగా తయారు చేస్తారు.
థీమాటిక్ పెవిలియన్లు
ఈ ఫెయిర్‌లో ‘లక్షపతి దీదీ’ పెవిలియన్, నాలెడ్జ్ పెవిలియన్, కన్వర్జెన్స్ పెవిలియన్, లైవ్ డెమాన్‌స్ట్రేషన్ పెవిలియన్ ఉన్నాయి. ఇక్కడ, సందర్శకులు కుండల తయారీ నుండి ఎంబ్రాయిడరీ మరియు నేత వరకు వివిధ చేతివృత్తుల ప్రత్యక్ష ప్రదర్శనలను వీక్షించవచ్చు; అదనంగా, అమెజాన్, ఫ్లిప్‌కార్ట్, నాబార్డ్ తో పాటు ప్రముఖ పారిశ్రామిక సంస్థల నిపుణులు మహిళలకు ప్యాకేజింగ్, బ్రాండింగ్ మరియు ఇ-కామర్స్‌పై శిక్షణ అందిస్తారు.
